མདུན་ངོས་སུ་བསྐྱོད། |   ཉར་ཚགས་བྱེད། |   མདུན་ངོས་སུ་བཀོད། |  རྒྱ་ཡིག་གི་དྲ་ངོས།
མདུན་ངོས། / ཁྲིམས་ལུགས། > ནང་དོན་དངོས།

༄༅། །རང་རྒྱལ་གྱི་ད་ལྟའི་ཁྲིམས་ཀྱི་ངོ་བོ་མདོ་ཙམ་བརྗོད་པ།

ཡོང་ཁུངས།   དགོན་སྡེ་སློབ་གསོའི་སློབ་དེབ།     སྤེལ་དུས།  2014-07-24 10:31:01     རྩོམ་པ་པོ།   རམས་ཚེ་བྷོ།    ཀློག་ཐེངས།  
ཡིག་གཟུགས་ཇེ་ཆེར་གཏོང་། ཡིག་གཟུགས་ཇེ་ཆུང་གཏོང་།
    ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་་པའི་རྗེས་སུ།རང་རྒྱལ་གྱི་སྤྱི་ཚོགས་རིམ་གྱིས་དམངས་གཙོ་རིང་ལུགས་གསར་པ་ནས་སྤྱི་ཚོགས་རིང་ལུགས་སུ་བར་བརྒལ་བྱེད་རྒྱུ་མངོན་དུ་གྱུར་ཅིང་།ཐོན་སྐྱེད་རྒྱུ་ཆས་སྒེར་ལ་དབང་བའི་ལམ་ལུགས་ལ་སྤྱི་ཚོགས་རིང་ལུགས་ཀྱི་བསྒྱུར་བཀོད་དངོས་སུ་གྲུབ་པ་དང་།མིས་མི་ལ་བཤུ་གཞོག་བྱེད་པའི་ལམ་ལུགས་རྩ་མེད་དུ་བཏང་ནས་སྤྱི་ཚོགས་རིང་ལུགས་ཀྱི་ལམ་ལུགས་དངོས་སུ་བཙུགས་ཟིན།བཟོ་པ་གྲལ་རིམ་གྱིས་འགོ་ཁྲིད་བྱེད་པ་དང་བཟོ་ཞིང་མནའ་འབྲེལ་གྱིས་རྨང་གཞི་བྱས་པའི་མི་དམངས་དམངས་གཙོའི་སྲིད་དབང་སྒེར་འཛིན་ཏེ་དོན་དངོས་སུ་འབྱོར་མེད་གྲལ་རིམ་གྱི་སྲིད་དབང་སྒེར་འཛིན་ཡིན་པ་དེ་སྲ་བརྟེན་དང་གོང་དུ་སྤེལ།ཀྲུང་གོ་མི་དམངས་དང་ཀྲུང་གོ་མི་དམངས་བཅིང་འགྲོལ་དམག་གིས་བཙན་རྒྱལ་རིང་ལུགས་དང་བཙན་དབང་རིང་ལུགས་ཀྱི་བཙན་འཛུལ་དང་།གཏོར་བཤིག  དྲག་པོའི་འཁྲུག་སློང་བཅས་ལས་རྣམ་པར་རྒྱལ་ཏེ་རྒྱལ་ཁབ་ཀྱི་རང་བཙན་དང་བདེ་འཇགས་སྲུང་སྐྱོབ་བྱས་པ་དང་།རྒྱལ་སྲུང་སྟོབས་ཤུགས་ཆེ་རུ་བཏང་བ་རེད།དཔའ་འབྱོར་འཛུགས་སྐྲུན་ལ་གྲུབ་འབྲས་གལ་འགངས་ཆེ་བ་ཐོབ་ནས་སྤྱི་ཚོགས་རིང་ལུགས་ཀྱི་བཟོ་ལས་མ་ལག་རང་ཚུགས་ལྡན་ལ་ཅུང་ཆ་ཚང་བ་ཞིག་གཞི་རྩའི་ཐོག་ནས་གྲུབ་ཟིན་པ་དང་།ཞིང་ལས་ཐོན་སྐྱེད་གསལ་པོར་མཐོར་འདེགས་བྱུང་བ།སློབ་གསོ་དང་།ཚན་རིག རིག་གནས་སོགས་ཀྱི་བྱ་གཞག་འཕེལ་རྒྱས་ཧ་ཅང་ཆེན་པོ་བྱུང་བ་དང་འབྲེལ་སྤྱི་ཚོགས་རིང་ལུགས་ཀྱི་བསམ་བློའི་སློབ་གསོ་ལའང་ཕན་འབྲས་མངོན་གསལ་དོད་པོ་ཐོབ་ཡོད་ལ། རྒྱ་ཆེའི་མི་དམངས་ཀྱི་འཚོ་བ་ལའང་ལེགས་བཅོས་ཆེ་ཙམ་བྱུང་ཡོད།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནི་རྒྱལ་ཡོངས་མི་རིགས་ཁག་གི་མི་དམངས་ཀྱིས་མཉམ་དུ་གསར་དུ་བསྐྲུན་པའི་གཅིག་གྱུར་གྱི་མི་རིགས་མང་བའི་རྒྱལ་ཁབ་ཅིག་ཡིན་ཞིང་། འདྲ་མཉམ་དང་།མཐུན་སྒྲིལ།རོགས་རེས་བཅས་བྱེད་པའི་སྤྱི་ཚོགས་རིང་ལུགས་ཀྱི་མི་རིགས་འབྲེལ་བ་ཚུགས་ཟིན་པར་མ་ཟད།མུ་མཐུད་དེ་ཤུགས་ཆེ་རུ་འགྲོ་ངེས་ཡིན། མི་རིགས་ཀྱི་མཐུན་སྒྲིལ་སྲུང་སྐྱོབ་བྱེད་པའི་འཐབ་རྩོད་ནང་དུ།མི་རིགས་ཆེན་པོའི་རིང་ལུགས་ལ་ངོ་རྒོལ་བྱེད་དགོས་ཏེ། གཙོ་བོ་རྒྱ་རིགས་ཆེན་པོ་རིང་ལུགས་ལ་ངོ་རྒོལ་བྱེད་དགོས་ལ།ས་གནས་མི་རིགས་རིང་ལུགས་ལའང་ངོ་རྒོལ་བྱེད་དགོས།རྒྱལ་ཁབ་ཀྱིས་གང་ཐུབ་ཅི་ཐུབ་ཀྱིས་རྒྱལ་ཡོངས་མི་རིགས་ཁག་ཐུན་མོང་དུ་དར་རྒྱས་ཕུན་སུམ་ཚོགས་པ་ཡོང་བར་སྐུལ་འདེད་བྱེད་ངེས་ཡིན།ཀྲུང་གོའི་གསར་བརྗེ་དང་འཛུགས་སྐྲུན་གྱི་གྲུབ་འབྲས་ནི་འཛམ་གླིང་མི་དམངས་ཀྱིས་རྒྱབ་སྐྱོར་བྱས་པ་དང་འབྲལ་དུ་མེད་པ་ཞིག་རེད།ཀྲུང་གོའི་མདུན་ལམ་ནི་འཛམ་གླིང་གི་མདུན་ལམ་དང་དམ་པོར་འབྲེལ་ཡོད།ཀྲུང་གོས་རང་ཚུགས་རང་བདག་གི་ཕྱི་ཕྱོགས་སྲིད་ཇུས་མཐའ་འཁྱོངས་དང་།ཕན་ཚུན་བདག་དབང་དང་མངའ་ཁོངས་མ་ཚང་བར་བརྩི་འཇོག་བྱེད་པ་དང་།ཕན་ཚུན་བཙན་གནོད་མི་བྱེད་པ།ཕན་ཚུན་གྱི་ནང་སྲིད་ལ་ཐེ་གཏོགས་མི་བྱེད་པ། འདྲ་མཉམ་གཉིས་ཕན་བྱེད་པ། ཞི་བདེ་མཉམ་གནས་བྱེད་པ་བཅས་ཀྱི་རྩ་དོན་ལྔ་པོ་མཐའ་འཁྱོངས་བྱས་ཏེ་རྒྱལ་ཁབ་ཁག་དང་ཕྱི་འབྲེལ་གྱི་འབྲེལ་བ་དང་། དཔལ་འབྱོར་དང་རིགས་གནས་སྤེལ་རེས་བྱེད་རྒྱུ་གོང་དུ་སྤེལ་རྒྱུ་དང་། བཙན་རྒྱལ་རིང་ལུགས་དང་། བཙན་དབང་རིང་ལུགས། མི་སེར་སྤེལ་བའི་རིང་ལུགས་བཅས་ལ་ངོ་རྒོལ་མཐའ་འཁྱོངས་བྱེད་རྒྱུ། འཛམ་གླིང་རྒྱལ་ཁབ་ཁག་གི་མི་དམངས་དང་མཐུན་སྒྲིལ་བྱེད་རྒྱུར་ཤུགས་སྣོན་རྒྱག་རྒྱུ།གཉའ་གནོན་མྱུང་མཁན་མི་རིགས་དང་འཕེལ་བཞིན་པའི་རྒྱལ་ཁབ་ཀྱིས་མི་རིགས་རང་བཙན་དོན་གཉེར་དང་སྲུང་སྐྱོབ་བྱེད་པ་དང་མི་རིགས་ཀྱི་དཔའ་འབྱོར་གོང་དུ་སྤེལ་བའི་དྲང་བདེན་གྱི་འཐབ་རྩོད་ལ་རྒྱབ་སྐྱོར་བྱས་ཐོག  འཛམ་གླིང་གི་ཞི་བདེ་སྲུང་སྐྱོང་དང་།མིའི་རིགས་ཀྱི་ཡར་ཐོན་བྱ་གཞག་ལ་སྐུལ་འདེད་གཏོང་བའི་ཆེད་དུ་འབད་བརྩོན་བྱེད་རྒྱུ་ཡིན།རྩ་ཁྲིམས་འདིས་བཅའ་ཁྲིམས་ཀྱི་རྣམ་པའི་ཐོག་ནས་ཀྲུང་གོའི་མི་རིགས་ཁག་གི་མི་དམངས་ཀྱིས་འབད་འཐབ་བྱས་པའི་འབྲས་བུ་གཏན་དུ་ཁེལ་བ་དང་།རྒྱལ་ཁབ་ཀྱི་རྩ་བའི་ལམ་ལུགས་དང་རྩ་བའི་ལས་འགན་གཏན་ལ་ཕབ་ཡོད།འདི་ནི་རྒྱལ་ཁབ་ཀྱི་རྩ་བའི་ཁྲིམས་ལུགས་ཡིན་པས་བཅའ་ཁྲིམས་ཀྱི་ནུས་པ་ཆེ་ཤོས་ཡོད་པར་བརྟེན། རྒྱལ་ཡོངས་མི་རིགས་ཁག་གི་མི་དམངས་དང་།རྒྱལ་ཁབ་ཀྱི་ལས་ཁུངས་དང་དྲག་པོའི་སྟོབས་ཤུགས་མཐའ་དག སྲིད་ཏང་ཁག་དང་སྤྱི་ཚོགས་ཀྱི་ཚོགས་པ་ཁག ཁེ་ལས་དང་བྱ་ལས་ཀྱི་རྩ་འཛུགས་ཁག་བཅས་ཚང་མས་ངེས་པར་དུ་རྩ་ཁྲིམས་འདི་བྱེད་སྒོའི་རྩ་བའི་ཚད་གཞིར་འཛིན་དགོས་པར་མ་ཟད།རྩ་ཁྲིམས་ཀྱི་གཟི་རྔམ་སྲུང་འཛིན་དང་རྩ་ཁྲིམས་ལག་ལེན་དངོས་སུ་བསྟན་བར་འགན་ལེན་བྱེད་པའི་འགན་འཁྲིའང་ཡོད།
རྩོམ་སྒྲིག་པ།:མཁའ་ཚེ།
བརྒྱུད་འགོད།  
29.1K