མདུན་ངོས་སུ་བསྐྱོད། |   ཉར་ཚགས་བྱེད། |   མདུན་ངོས་སུ་བཀོད། |  རྒྱ་ཡིག་གི་དྲ་ངོས།

༄༅། །དགོན་ལུང་བྱམས་པ་གླིང་།

ཡོང་ཁུངས།   བོད་ཀྱི་གནས་ཡིག་དྲ་བ།     སྤེལ་དུས།  2014-08-19 10:43:37     རྩོམ་པ་པོ།   མི་གསལ།    ཀློག་ཐེངས།  
ཡིག་གཟུགས་ཇེ་ཆེར་གཏོང་། ཡིག་གཟུགས་ཇེ་ཆུང་གཏོང་།

41.jpgaT2རྗེ་ཙོང་ཁ་པའི་དྲ་བ།

 > བྱང་གི་དགོན་ཆེན་བཞིའི་ཡ་གྱལ་ཆོས་སྡེ་ཆེན་པོ་དགོན་ལུང་བྱམས་པ་གླིང་ནི། མདོ་སྨད་ཙོང་ཆུའི་བྱང་རྒྱུད་དགོན་ལུང་ཞེས་པ་ད་ལྟའི་མཚོ་སྔོན་ཞིང་ཆེན་ཧོར་གྲོང་རྫོང་ནས་ཤར་ལྷོའི་མཚམས་སུ་སྤྱི་ལེ་སུམ་ཅུ་ལྷག་གི་གནས་སུ་ཆགས་ཡོད་ལ། དགོན་པ་ཆགས་ཡོད་པའི་ལུང་པ་དེའི་མིང་ལ་དགོན་ལུང་ཟེར་པས་ས་མིང་དགོན་པར་བཏགས། སྤྱི་ལོ༡༦༠༤ལོར་རྒྱལ་སྲས་རིན་པོ་ཆེ་སྐུ་ཕྲེང་བདུན་པ་དོན་ཡོད་ཆོས་ཀྱི་རྒྱ་མཚོས་བཏབ་པ་ཡིན། སྤྱི་ལོ༡༥༨༣ལོར ༧རྒྱལ་དབང་སྐུ་ཕྲེང་གསུམ་པ་བསོད་ནམས་རྒྱ་མཚོ་མཆོག་སོག་ཡུལ་དུ་ཆིབས་བསྒྱུར་གནང་སྐབས་ལམ་བར་དུ་ས་ཆ་འདི་བརྒྱུད་དུས། ས་དེ་གའི་མཛེས་ཤིང་སྡུག་པའི་ཡུལ་ལྗོངས་ལ་བསྔགས་བརྗོད་ཚད་མེད་གནང་བ་དང་ལྷན་དུ་ཕྱིས་སུ་ས་འདིར་སངས་རྒྱས་ཀྱི་བསྟན་པ་རྒྱ་ཆེར་སྤེལ་བའི་སྐྱེས་བུ་དམ་པ་འབྱུང་པར་ངེས། ཞེས་ལུང་བསྟན་གནང་མྱོང༌། སྤྱི་ལོ༡༦༠༢ལོར། ༧རྒྱལ་དབང་སྐུ་ཕྲེང་བཞི་པས་སྐུ་དངོས་སུ་དགོན་པ་འདེབས་རྒྱུའི་ཁས་བླངས། འོན་ཀྱང་རྒྱུ་རྐྱེན་དུ་མའི་དབང་གིས་རེ་བ་དེ་མྱུར་དུ་འགྲུབ་མ་ཐུབ། སྤྱི་ལོ༡༦༠༣ལོར། ས་དེའི་བོད་རིགས་སྡེ་ཚོ་ཕྱོགས་ཁ་བཅུ་གསུམ་གྱི་འགོ་དཔོན་རྣམས་དབུས་གཙང་དུ་སོང་ནས ༧རྒྱལ་དབང་སྐུ་ཕྲེང་བཞི་པར་མཇལ་ཏེ་དགོན་པ་འདེབས་དགོས་པའི་རེ་བ་སླར་ཡང་བཏོན་པས། ༧རྒྱལ་དབང་སྐུ་ཕྲེང་བཞི་པ་དང་པཎ་ཆེན་རིན་པོ་ཆེ་སྐུ་ཕྲེང་བཞི་བས་ཡུལ་ཕྱོགས་དེར་དགོན་པ་འདེབས་རྒྱུ་ཁས་བླངས། སྤྱི་ལོ༡༦༠༤ལོའི་ཟླ་གསུམ་པར། དགོན་པ་འདེབས་པའི་འགོ་བརྩམས། སྐབས་དེར་རྒྱལ་སྲས་དང་སུམ་པ་རྣམ་གཉིས་ཀྱིས་འགན་འཁུར་བཞིན་ཡོད། ས་དེ་གའི་རབ་བྱུང་བཙུན་པ་དང་དད་ལྡན་མང་ཚོགས། ཚོ་པའི་འགོ་དཔོན་བཅས་ཀྱིས་རམ་འདེགས་ཆེན་པོ་བྱས་པས་དགོན་པ་ཡོངས་འགྲུབ་བྱུང༌། དགོན་པ་བཏབ་མ་ཐག་མཚན་ཉིད་གྲྭ་ཚང་ཁོ་ན་མ་གཏོགས་མེད། ཕྱིས་སུ་ལྕང་སྐྱ་དང་ཐུའུ་བཀྭན། འཇམ་དབྱངས་བཞད་པ་སྐུ་ཕྲེང་དང་པོ་བཅས་ཀྱིས་རྒྱུད་པ་གྲྭ་ཚང་བཙུགས་ཏེ་བཤད་སྒྲུབ་ཟུང་སྤེལ་གྱི་ཆོས་སྡེར་གྱུར་ཅིང༌། ཐོག་མར་རབ་ཏུ་བྱུང་བ་ཆིག་བརྒྱ་ལྷག་ཡོད། རྗེས་སུ་དགོན་ལུང་དགོན་པ་དར་བའི་རྩེར་སོན་ཏེ། འདུ་ཁང་ཆེ་ཆུང་དང་ནང་ཆེན། གྲྭ་ཤག་བཅས་ཉིས་སྟོང་ལྷག་ཡོད་པར་གྱུར། རབ་ཏུ་བྱུང་བ་བདུན་སྟོང་བདུན་བརྒྱ་ལ་བསླེབས་མྱོང༌ཟེར། སྐབས་ཐོག་དེར་དགོན་པ་འདིར་ནང་ཆེན་ཆེ་ལྔ་ཆུང་དགུ་ཡོད་མོད། ཕྱིས་སུ་དོན་རྐྱེན་སྣ་ཚོགས་ཀྱི་ལས་འགུལ་ཁྲོད་དགོན་པ་འདི་ཡང་ད་ལྟ་སྔོན་དང་བསྡུར་ན་མིང་ཙམ་ལས་ལྷག་མེད།aT2རྗེ་ཙོང་ཁ་པའི་དྲ་བ།

རྩོམ་སྒྲིག་པ།:མཁའ་ཚེ།
བརྒྱུད་འགོད།  
29.1K