མདུན་ངོས་སུ་བསྐྱོད། |   ཉར་ཚགས་བྱེད། |   མདུན་ངོས་སུ་བཀོད། |  རྒྱ་ཡིག་གི་དྲ་ངོས།

༄༅། །ཐང་ག་དང་ལྡེབས་རིས།

ཡོང་ཁུངས།   བོད་ཀྱི་རིག་གནས་སྒྱུ་རྩལ་ཀུན་འདུས་ཞལ་ཐང་ཆེན་མོ།     སྤེལ་དུས།  2014-09-28 10:47:52         ཀློག་ཐེངས།  
ཡིག་གཟུགས་ཇེ་ཆེར་གཏོང་། ཡིག་གཟུགས་ཇེ་ཆུང་གཏོང་།

         འདི་གཉིས་ནི་གནའ་ནས་བོད་དུ་དར་བའི་བྲིས་ཀྱི་སྒྱུ་རྩལ་རྣམ་གྲངས་ཤིག་ཡིན་པ་ནི། གཉའ་ཁྲིའི་སྐབས་ཕོ་བྲང་ཡུམ་བུ་བླ་སྒང་གི་ལྡེབས་རིས་སུ་གཉའ་ཁྲི་རྒྱལ་པོར་མངའ་གསོལ་ཚུལ་བྲིས་པའི་ལོ་རྒྱུས་སོགས་ལས་རྟོགས་ཤིང་། དེང་གི་རས་གཞིའི་དོད་དུ་པགས་པ་དང་གཡང་གཞི་སོགས་ཀོ་འདུལ་གྱིས་དེའི་སྟེང་བཞེང་སྲོལ་ཡོད་པར་བཤད།aGWརྗེ་ཙོང་ཁ་པའི་དྲ་བ།

        ཐང་ག་ཇི་ལྟར་བཞེང་བའི་རིམ་པ་གོང་དུ་ཞུས་ཟིན་ནས། རས་གཞིར་མཚལ། དེའི་སྟེང་གསེར་རིས་བྱ་བ་ནི་དམར་ཐང་དང་། དེ་བཞིན་གཞིན་གཞི་ནག་པོ་དང་། གསེར་བྱུགས་པ་ལ་ཀ་རག་དང་མཚལ་སོགས་ཀྱིས་རི་མོ་བྱས་པ་ལ་ནག་ཐང་དང་གསེར་ཐང་དུ་འབོད། སྐྱ་རིས་ལ་ཚོན་རགས་བྱུགས་གྲུབ་པ་ལ་ཨམ་ཚོན་ཟེར་བར་སྣང་།aGWརྗེ་ཙོང་ཁ་པའི་དྲ་བ།

        བཞེང་ཡུན་ནི་མ་ངེས་ཀྱང་རིང་ཤོས་ལ་ཐང་ག་གཅིག་ལོ་བཅུ་གཉིས་སུ་བཞེངས་པར་གྲགས་པ་ཡོད་ཅིང་། ལོ་ཟླ་ཅི་ཙམ་འགོར་མིན་ནི་བཟོ་བོ་དང་སྦྱིན་བདག་ལ་རགས་ལས། ཐང་གའི་ཞིབ་ཆ་ལའང་སྣ་ཚོགས་ཡོད་ཀྱང་། ཆེས་ཞིབ་པ་ལ་ཀླུ་འབུམ་ལྷ་རིས་པར་གྲགས་པ་དེས་སྐུ་བརྙན་མཁྱུད་གང་ཡན་གྱི་སྤྱན་འབྲས་སུ་རྗེ་ཙོང་ཁ་བ་ཡབ་སྲས་རེ་བཞེངས་པ་དང་། མདོ་སྨད་ཀྱི་ལྷ་རིས་པ་ཆོས་ལྡན་གྱིས་ཕྱག་སེན་གཅིག་ལ་སྐྱ་མི་བདུན་རེས་ལག་ཏུ་ཕུག་རོན་རེ་ཐོགས་པ་བྲིས་པའི་ལོ་རྒྱུས་ཡོད་པ་འདིས་མཚོན་ཏེ་ཧ་གོ་ཐུབ། བྲིས་རིས་ཐང་ག་དང་ལྡེབས་རིས་ནི་བོད་ཁམས་སུ་ཁྱབ་ཤིན་ཏུ་ཆེ་བས་ཁམས་གསུམ་གྱི་དགོན་སྡེ་གཙུག་ལག་ཁང་ཀུན་ཏུ་ཁྱབ་ཡོད་པ་དང་། གྲོང་ཁྱིམ་གང་དུའང་མེད་པ་དཀོན་པས་བོད་མི་རེར་ཐང་ག་རེ་ལྡང་ཞེས་ནའང་ཐལ་སྐྱོན་མེད། ཁྱད་པར་《ཀུན་འདུས་ཞལ་ཐང་ཆེན་མོ》ཞེས་གྲགས་པའི་བཟོ་ཁྱད་ཕུན་སུམ་ཚོགས་པ་འདི་ནི་བོད་ཀྱི་ཐང་གའི་བྲིས་ཀྱི་སྒྱུ་རྩལ་འདི་ལ་བརྟེན་པའི་ཚོན་ཐང་ཡིན་ཞིང་། དེའི་ཡུལ་སྣང་གི་བཀོད་པ་ཡང་། སྨན་ཐང་བས། མཁན་པས་གཞི་དང་ཚུགས་ལ་བལྟ་བར་བྱེད། །བླུན་པོས་བཀྲག་དང་འོད་ལ་བལྟ་བར་བྱེད། །བྱིས་པས་བྱ་དང་ཤིང་ལ་བལྟ་བར་བྱེད། །དེས་ན་བཟོ་བོ་མཁས་པ་རང་གིས་ནི། །བློ་ཡིས་དཔྱད་ནས་ལེགས་པར་འབྲི་བར་བྱ། །ཞེས་པའི་དོན་གཞིར་བཟུང་སྟེ་བཞེངས་སྟབས། གཞུང་ལུགས་ཐད་ཁུངས་བཙུན་ཞིང་། ཡུལ་སྣང་གི་བཀོད་པ་ངོ་མཚར་བས་སྐྱེ་བོའི་དང་བ་དབང་མེད་འདྲེན་པས་ན། འདིས་བོད་བཟོ་ལས་བྲིས་ཀྱི་སྒྱུ་རྩལ་ལ་ཡོད་པའི་ཡོན་ཏན་ཀུན་གཅིག་བསྡུན་སུ་མཚོན་ཡོད། །aGWརྗེ་ཙོང་ཁ་པའི་དྲ་བ།

རྩོམ་སྒྲིག་པ།:མཁའ་ཚེ།
བརྒྱུད་འགོད།  
29.1K