མདུན་ངོས་སུ་བསྐྱོད། |   ཉར་ཚགས་བྱེད། |   མདུན་ངོས་སུ་བཀོད། |  རྒྱ་ཡིག་གི་དྲ་ངོས།
མདུན་ངོས། / སྒྱུ་རྩལ། / ཐང་ག > ནང་དོན་དངོས།

༄༅། །ཐང་ཀ་དང་དེའི་དབྱེ་བའི་སྐོར།

ཡོང་ཁུངས།   ཀྲུང་གོའི་བོད་ལྗོངས་དྲ་བ།     སྤེལ་དུས།  2014-09-28 10:42:58     རྩོམ་པ་པོ།   མི་གསལ།    ཀློག་ཐེངས།  
ཡིག་གཟུགས་ཇེ་ཆེར་གཏོང་། ཡིག་གཟུགས་ཇེ་ཆུང་གཏོང་།

         ཐང་ཀ་དངོས་བཤད་པའི་ཐོག་མར།ཐ་སྙད་དེ་ཇི་ལྟར་བྱུང་བ་དང་།དུས་ནམ་དང་ཚུལ་ཇི་ལྟ་བུས་བོད་དུ་ཐང་ཀ་བཟོ་སྲོལ་དར་བར་རགས་ཙམ་དཔྱད་པར་བྱ་བ་ལ།ལོ་རྒྱུས་སྨྲ་བ་འགའ་ཞིག་གིས།ཐ་སྙད་དེ་རྒྱ་ནག་གི་སྐད་ཀྱི་སྒྲ་ཐད་འགྱུར་ཡིན་ལ།དེའི་སྲོལ་ཡང་རྒྱ་ནག་ནས་བྱུང་བར་བཤད་མོད།ཁོ་བོས་དེ་སྔོན་ཡིད་རྟེན་དུ་རུང་བའི་ལོ་རྒྱུས་ཁུངས་བཙན་མ་མཐོང་བས་འདི་ནི་འདི་འོ་ཞེས་སྨྲ་བའི་སྤོབས་པ་ཞུམ་མོད།འོན་ཀྱང་དེ་ལ་བསམ་དགོས་པ་ཞིག་ཀྱང་སྣང་སྟེ།བོད་ཀྱི་ལོ་རྒྱུས་ཆེན་མོ་ཁག་ལས།རྒྱལ་པོ་སྲོང་བཙན་ཀྱི་དུས།བློན་པོ་མགར་གྱིས་རྒྱ་བཟའ་ཀོང་ཇོ་བོད་དུ་སྤྱན་འདྲེན་པ་དང་ལྷན་དུ།ཇོ་བོ་ཤཱཀྱ་མུ་ནེ་དང་བཟོ་སྣ་བཅོ་བརྒྱད་ཀྱི་དཔེ།སྨན་དཔྱད་ཆེན་མོ་དང་།རྩིས་ཀྱི་པོར་ཐང་བརྒྱད་ཅུ་རྣམས་ཀྱང་བོད་དུ་དྲངས།ཕན་ཚུན་སློབ་མ་དང་བཟོ་རྩལ་པ་མངགས་སོ་ཞེས་བྱུང་བ་དང་།ཁྲི་སྲོང་ལྡེ་བཙན་གྱིས་བསམ་ཡས་བཞེངས་སྐབས་དར་ཐང་ཆེན་མོ་གསུམ་བཞེངས་ཚུལ་བཤད་ལ།དེ་ལ་ལོ་རྒྱུས་འགའ་ཞིག་ཏུ་སི་ཐང་ཞེས་ཀྱང་པྲི་སྣང་མོད་སྒྲ་འགྱུར་ལ་སི་ཐང་དང་།དོན་འགྱུར་ལ་དར་ཐང་ཞེས་བརྗོད་པ་ཡིན་ནམ་སྙམ་དུ་དཔྱད་དོ།གང་ལྟར་ཡང་རྒྱལ་པོ་ཁྲི་སྲོང་ལྡེ་བཙན་གོང་དུ་བོད་ལ་ཐང་ཀ་བཞེངས་སྲོལ་དར་བ་ཤིན་ཏུ་གསལ་ལོ།། ཐང་ཀ་ལ་དབྱེ་ན།སྐྱ་ཐང་དང་།ཚོན་རྫོགས།ཐང་ནགམཚལ་ཐང་།གསེར་ཐང་།གོས་སྐུ།གོས་སྐུ་འབུར་མ།འཚེམ་ཐང་།འཐག་ཐང་།མུ་ཏིག་གི་ཐང་ཀཕྱིས་སུ་དར་བའི་ཆུ་རིས་མ།ཕྱི་གླིང་ལུགས་ཀྱི་འབུར་ཚུགས་ཅན་སོགས་ཡོད།khrརྗེ་ཙོང་ཁ་པའི་དྲ་བ།

khrརྗེ་ཙོང་ཁ་པའི་དྲ་བ།

        སྤྱིར་ཐང་ཀ་ནི་བོད་ཀྱི་བཟོ་དངོས་ཀྱི་གྲུབ་ཆ་གཙོ་བོ་ཞིག་ཡིན་ལ་ཁྱབ་རྒྱ་ཆེ་བ་ཙམ་དུ་མ་ཟད།རིན་ཐང་གཞལ་དུ་མེད་པའི་བཟོ་རིག་པའི་དངོས་པོ་མང་པོ་བཞུགས་ཏེ།དཔེར་ན་ལྷ་ལྡན་སྤྲུལ་པའི་གཙུག་ལག་ཁང་དུ་བཞུགས་པའི་ཐང་སྐུའི་རྟེན་གཙོ་རྒྱལ་པོ་སྲོང་བཙན་ཡབ་ཡུམ་ཀྱི་ཐང་རྙིང་མེ་ཐུབ་མ་དང་།དྭགས་ལྷ་སྒམ་པོའི་རྗེ་བཙུན་ཙོང་ཁ་པའི་ཐུགས་དམ་གྱི་རྟེན་བྲིས་ཐང་ཐུབ་པ་གསོ་སྦྱོང་མ་དང་།ལྷོ་བྲག་སྐུ་སྐྱེ་བསྟན་འཛིན་ནོར་བུས་བྲིས་པའི་རྒྱུད་བཞིའི་ཐང་ཀ་བརྒྱད་ཅུ་སོགས་དང་།སྡེ་དགེ་དཔལ་སྤུངས་དང་དབང་པོ་ལྷ་སྟེང་གི་ཐང་ནག་སྒྱུ་རྩལ་རིན་ཐང་བྲལ་བ་རྣམས་དང་།དགའ་ལྡན་གསེར་ཐང་ཆེན་མོ་དང་།ཁམས་སྡེ་དགེ་དཔལ་སྤུངས་དགོན་དུ་བཞུགས་པའི་བཀའ་བརྒྱུད་གསེར་ཕྲེང་གི་གསེར་ཐང་སོགས་གསེར་ཐོག་བཞག་གམ་གསེར་ལེབ་བྱུགས་ཀྱི་ཐང་ཀ་རྣམས་དང་།བཀྲ་ཤིས་ལྷུན་པོའི་པཎ་ཆེན་སྐུ་ཕྲེང་རིམ་བྱོན་གྱི་རྣམ་ཐར་གྱི་འཚེམ་ཐང་བཟོ་རྩལ་འགྲན་ཟླ་དང་བྲལ་བ་རྣམས་དང་།འབྲི་མཐིལ་འོག་མིན་བྱང་ཆུབ་གླིང་གི་ཨ་ཕྱི་དཀོར་མཛོད་ཆེན་མོའི་ནང་དུ་རྒྱ་ནག་གོང་མས་ཀརྨ་པཀྵི་ལ་ཕུལ་བའི་རྒྱལ་བ་མི་ཕམ་མགོན་པོའི་གོས་སྐུ་ལྷུ་ལག་བཅུ་གཅིག་ཡོད་པ་བོད་ཙམ་ན་ཆེ་བ་སོགས་འཚེམ་ཐང་གི་རིགས་དང་།བླ་བྲང་བཀྲ་ཤིས་འཁྱིལ་དུ་བཞུགས་པའི་སྐུ་སྐྱེ་བསྟན་འཛིན་རྒྱ་མཚོས་བཞེངས་པའི་བྱམས་པའི་གོས་སྐུ་ཆེན་མོ།དར་མདོ་རྡོ་རྗེ་བྲག་གི་གུ་རུ་མཚན་བརྒྱད་ཀྱི་གོས་སྐུ་ཆེན་མོ་སོགས་དགོན་སྡེ་ཁག་གི་གོས་སྐུ་ཆེན་མོ་དང་།སྐུ་འབུམ་གྱི་གོས་སྐུ་འབུར་མའི་གནས་བཅུའི་ཐང་ཀ་ཁག་དང་།ཁྲ་འབྲུག་སྒྲོལ་མ་ལྷ་ཁང་དུ་མུ་ཏིག་གི་ཐང་ཀ་སྤྱན་རས་གཟིགས་སེམས་ཉིད་ངལ་གསོའི་སྐུ་ཐང་དང་།འབྲི་མཐིལ་འོག་མིན་བྱང་ཆུབ་གླིང་གི་མུ་ཏིག་ཐང་ཀ་སོགས་མུ་ཏིག་ལས་བསྒྲུབས་པའི་ཐང་ཀ་རྣམས་དང་།དཔལ་སྤུངས་ཀྱི་རྗེ་བཙུན་མི་ལའི་སྐུ་ཐང་ཆུ་རིས་མ་དང་།ཁམས་དཀར་མཛེས་སྟོང་འཁོར་དགོན་གྱི་གནས་བརྟན་ཆུ་རིས་མ་སོགས་སྣག་མདངས་འབའ་ཞིག་ལས་གྲུབ་པའི་ཐང་ཀ་ཁག་དང་།མཚལ་ཐང་ནི་བོད་ཁམས་ཀུན་ཏུ་ཁྱབ་པ་དང་།གཞན་ཡང་སྔོན་བྱོན་མཁས་གྲུབ་རྣམས་ཀྱིས་ཕྱག་སོར་འདུ་བྱེད་ལས་བྱུང་བའི་ཐང་སྐུ་རྩ་ཆེན་ཡང་མང་སྟེ།དྭགས་ལྷ་སྒམ་པོའི་སྒམ་བདེ་རྩེའི་གཟིམ་ཆུང་དུ་བཞུགས་པའི་སྒྲ་སྒྱུར་མར་པའི་ཕྱག་བྲིས་ནཱ་རོའི་སྐུ་ཐང་དང་།དྭགས་ལྷ་སྒམ་པོའི་མགོན་ཁང་དུ་མཉམ་མེད་དྭགས་པོ་ལྷ་རྗེའི་ཕྱག་བྲིས་མགོན་པོ་གཙོ་འཁོར་དང་བཅས་པ་ཡེ་ཤེས་པ་མངོན་སུམ་བཞུགས་པར་གྲགས་པ་དང་།དགའ་ལྡན་བྱང་རྩེའི་གཟིམ་ཁང་དུ་མཁས་གྲུབ་རྗེའི་ཕྱག་བྲིས་གཤིན་རྗེ་གཤེད་དམར་གྱི་སྐུ་ཐང་དང་།དགོན་ལུང་རྒྱུད་ཁང་དུ་རྒྱལ་དབང་དགེ་འདུན་གྲུབ་ཀྱིས་ཕྱག་བྲིས་སྒྲོན་གསལ་དཔེ་མཁས་གྲུབ་རྗེས་རབ་གནས་མཛད་པ་དང་།དགོན་པ་དེའི་ལྷ་མོ་བླ་བྲང་གི་ནང་རྟེན་གཙོ་བོ་ལྷ་མོའི་སྐུ་ཐང་སྨན་ཐང་པའི་ཕྱག་བྲིས་དང་།ཁམས་དཔལ་སྤུངས་དགོན་དུ་བཞུགས་པའི་སི་ཏུ་ཆོས་ཀྱི་འབྱུང་གནས་ཀྱི་ཕྱག་བྲིས་སྐྱེས་རབས་དཔག་བསམ་འཁྲི་ཤིང་སོགས་དང་།སྐུ་འབུམ་དུ་བཟོ་རྒྱལ་བི་ཤྭ་ཀརྨའི་རྣམ་འཕྲུལ་དུ་བསྔགས་པ་ཆེ་ཤེས་བློ་བཟང་བཤེས་གཉེན་གྱི་ཕྱག་བྲིས་ཐང་ཀ་ཁག་སོགས་བགྲངས་ཀྱིས་མི་ལང་པ་བཞུགས་པ་ལས་དཔེ་བརྗོད་ཀྱི་ཚུལ་དུ་འགའ་ཞིག་བཀོད་པ་ལས།ཞིབ་མོ་དགོན་པ་གཅིག་གི་ཐང་ཀ་ཡང་ངོ་སྤྲོད་དཀའ་ན།གངས་ཅན་ཡོངས་ཀྱི་ཐང་སྐུ་ནི་དེ་བས་ཀྱང་བརྗོད་པར་མི་ནུས་སོ། །khrརྗེ་ཙོང་ཁ་པའི་དྲ་བ།

རྩོམ་སྒྲིག་པ།:མཁའ་ཚེ།
བརྒྱུད་འགོད།  
29.1K