མདུན་ངོས་སུ་བསྐྱོད། |   ཉར་ཚགས་བྱེད། |   མདུན་ངོས་སུ་བཀོད། |  རྒྱ་ཡིག་གི་དྲ་ངོས།

༄༅།།བོད་ཀྱི་ཡིག་མཁན་ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་གདམས་བཀོད།

ཡོང་ཁུངས།   དྲ་རྒྱ་ལས་བཏུས།     སྤེལ་དུས།  2015-01-22 15:57:39         ཀློག་ཐེངས།  
ཡིག་གཟུགས་ཇེ་ཆེར་གཏོང་། ཡིག་གཟུགས་ཇེ་ཆུང་གཏོང་།

0 (23).jpgPUxརྗེ་ཙོང་ཁ་པའི་དྲ་བ།

        ཡིག་མཁན་གྱི་ལོ་རྒྱུས་མདོར་བསྡུས། ལྕང་སྐྱེས་རྟ་མགྲིན་ ཚེ་བརྟན་ནམ་ཁ་བ་ལྕང་སྐྱེས་ནི་སྤྱི་ལོ༡༩༧༢ལོའི་ཟླ༡པའི་ཚེས་༦ཉིན་ལ་བ་ཡན་ཁོ་ཚེ་སྡེ་བར་སྐྱེས་ཤིང་།1996ལོའི་ཟླ7པར་མཚོ་སྔོན་མི་རིགས་དགེ་འོས་ཆེད་སྦྱོང་སློབ་གྲྭ་ནས་མཐར་ཕྱིན་ཏེ་མང་རྫོང་བོད་ཡིག་སློབ་འབྲིང་དུ་དགེ་རྒན་གྱི་བྱ་བ་སྒྲུབ་བཞིན་ཡོད། སྤྱི་ལོ་༢༠༡༢ལོར་ལོ་ངོ་གཉིས་རིང་ལ་མི་བུ་རང་སྒེར་གྱིས་མ་དངུལ་ངེས་ཅན་ཞིག་བཏང་ནས་སྣ་ཁ་མང་ལ།སྒྱུ་རྩལ་གྱི་རིན་ཐང་བླ་ན་མཐོ་བའི་བྲིས་གཟུགས་སྣ་ཚོགས་བརྒྱད་ཅུར་ཉེ་བ་སློབ་གྲྭར་འགྲེམ་སྟོན་བྱས་ཏེ་ཡུལ་དངོས་ནས་དགེ་སློབ་ཀུན་གྱིས་དགའ་བསུ་ཐོབ་པར་མ་ཟད།འབྲེལ་ཡོད་མགོ་ཁྲིད་ཀྱིས་ཀྱང་གདེང་འཇོག་ཚད་མཐོར་གནང་བ།དེའི་ཟླ་༦པར་མཚོ་སྔོན་བོད་སྐད་རྒྱང་སྒྲོག་གི་༼ཁ་བའི་ཞབས་རྗེས་།༽ལས་ཚན་དང་བོད་སྐད་རླུང་འཕྲིན་གྱི་༣༧༥ཐད་གཏོང་ཁང་གི་ལས་ཚན་གཉིས་ལས་སྔ་རྗེས་སུ་བོད་ཀྱི་ཡིག་གཟུགས་དང་འབྲེལ་བའི་ཤེས་བྱ་སྐོར་ཁ་བརྡ་བྱས་མྱོང་བ་ཡིན།༢༠༡༢ལོའི་ཟླ་༢པའི་ཚེས་༡༩ཉིན་ལ་མཚོ་སྔོན་མི་རིགས་སློབ་ཆེན་དུ་རང་གིས་ལོ་གཅིག་རིང་ལ་རྩོམ་འབྲི་གནང་བའི་ཡིག་གཟུགས་སྣ་འདུས་ཤོག་དྲིལ་རིང་མོ་རྨིད་༡༢༠ཡོད་པ་ཞིག་ལེགས་འགྲུབ་བྱུང་ནས་འགྲེམ་སྟོན་བྱས་པ་མ་ཟད།༢༠༡༣ལོའི་མང་རྫོང་གཙགས་དྲུབས་རིག་གནས་དུས་ཆེན་སྟེང་ཨང་དང་པོའི་བྱ་དགའ་འཐོབ། 2012ལོའི་ཟླ7པར་ཡིག་གཟུགས་སྣ་ཁ་བཞི་རྐང་ཚ་རྫོང་སྲིད་གཞུང་གིས་བསྒྲུབ་པའི་ཚངས་དབྱངས་རྒྱ་མཚོའི་མགུར་གླུ་ནང་དོན་བྱས་པའི་རྡོ་བརྐོས་ཡིག་གཟུགས་སྒྱུ་རྩལ་དུ་འདམས་ནས་བརྐོས་ཡོད།མཚོ་ལྷོ་སྐབས་གཉིས་པའི་རྩོམ་རིག་སྒྱུ་རྩལ་ལྷན་ཚོགས་ཀྱི་ཚོགས་མི་དང་མང་རྫོང་གི་《མང་ཆུ》 དུས་དེབ་ཀྱི་རྩོམ་སྒྲིག་པ། མང་རྫོང་བོད་ཡིག་སློབ་འབྲིང་གི་ཡིག་གཟུགས་མཛུབ་སྟོན་དགེ་རྒན་བཅས་ཡིན། ཁ་རྩང་དེ་རིང་བྱ་མདོ་དཀྱིལ་སྙིང་སློབ་གྲྭར་སློབ་རའི་རིག་གནས་ཀྱི་བྱ་བ་བསྒྲུབ་བཞིན་ཡོད།PUxརྗེ་ཙོང་ཁ་པའི་དྲ་བ།

PUxརྗེ་ཙོང་ཁ་པའི་དྲ་བ།

རྩོམ་སྒྲིག་པ།:མཁའ་ཚེ།
བརྒྱུད་འགོད།  
29.1K