མདུན་ངོས་སུ་བསྐྱོད། |   ཉར་ཚགས་བྱེད། |   མདུན་ངོས་སུ་བཀོད། |  རྒྱ་ཡིག་གི་དྲ་ངོས།

༄༅། །བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་དཔལ་ལྡན་རྩ་བའི་ རྒྱུད་ཀྱི་རྩ་བ་བཞུགས་སོ།།

    སྤེལ་དུས།  2014-12-08 15:32:21         ཀློག་ཐེངས།  
ཡིག་གཟུགས་ཇེ་ཆེར་གཏོང་། ཡིག་གཟུགས་ཇེ་ཆུང་གཏོང་།

 ལེའུ་དང་པོ། རྒྱུ་གླེང་གཞི་བཤད་པ།lzyརྗེ་ཙོང་ཁ་པའི་དྲ་བ།

 
 
འདི་སྐད་བདག་གིས་བཤད་པའི་དུས་གཅིག་ན།  །དྲང་སྲོང་གི་གནས་སྨན་གྱི་གྲོང་ཁྱེར་ལྟ་ན་སྡུག་ཅེས་བྱ་བ།  རིན་པོ་ཆེ་སྣ་ལྔ་ལས་གྲུབ་པ་པའི་གཞལ་ཡས་ཁང་ཡོད་དེ།  །ཁང་པ་དེའི་རྒྱན་ནི་སྨན་གྱི་ནོར་བུ་རིན་པོ་ཆེ་རྣམ་པ་སྣ་ཚོགས་པས་བརྒྱན་པ་སྟེ།  ནོར་བུ་རིན་པོ་ཆེ་དེས་ནི་རླུང་གི་ནད་དང༌།  མཁྲིས་པའི་ནད་དང༌།  བད་ཀན་གྱི་ནད་དང༌།  ལྡན་པའི་ནད་དང༌།  འདུས་པའི་ནད་ལས་གྱུར་པའི་ནད་བཞི་བརྒྱ་རྩ་བཞི་སེལ་བར་བྱེད་པ་ཚ་བའི་ནད་ལ་བསིལ་དུ་གྱུར་པ།  གྲང་བའི་ནད་ལ་དྲོད་དུ་གྱུར་པ།  བགེགས་རིགས་སྟོང་ཕྲག་བརྒྱད་ཅུ་ཞི་བར་བྱེད་པ་དགོས་འདོད་ཐམས་ཅད་ཡིད་བཞིན་དུ་གྲུབ་པར་བྱེད་པ་ཡོད་དོ།  །གྲོང་ཁྱེར་དེའི་ལྷོ་ཕྱོགས་ན།  རི་བོ་འབིགས་བྱེད་ཅེས་བྱ་བ་ཉི་མའི་སྟོབས་དང་ལྡན་པའི་རི་ལ།  སེ་འབྲུ་དང༌།  ན་ལེ་ཤམ་དང༌།  པི་པི་ལིང་དང༌།  ཙི་ཏྲ་ཀ་ལ་སོགས་པ་གྲང་བ་སེལ་བར་བྱེད་པའི་སྨན་རོ་ཚ་བ་དང༌།  སྐྱུར་བ་དང༌།  ལན་ཚྭ་བ་དང༌།  ནུས་པ་ཚ་བ་དང༌།  རྣོ་བའི་སྨན་གྱི་ནགས་ཚལ།  རྩ་བ་དང༌།  སྡོང་པོ་དང༌།  ཡལ་ག་དང༌།  ལོ་མ་དང༌།  
རྩོམ་སྒྲིག་པ།:
བརྒྱུད་འགོད།  
29.1K