མདུན་ངོས་སུ་བསྐྱོད། |   ཉར་ཚགས་བྱེད། |   མདུན་ངོས་སུ་བཀོད། |  རྒྱ་ཡིག་གི་དྲ་ངོས།

༄༅། །ཡི་གེའི་ཐོབ་ཐང་ཉེར་མཁོ་རབ་གསལ་མེ་ལོང་།

    སྤེལ་དུས།  2014-09-28 11:17:21     རྩོམ་པ་པོ།   དབྱངས་ཅན་དགའ་བའི་བློ་གྲོས་དང་ཡར་འབྲོག་པ་རིན་ཆེན་ཏོག    ཀློག་ཐེངས།  
ཡིག་གཟུགས་ཇེ་ཆེར་གཏོང་། ཡིག་གཟུགས་ཇེ་ཆུང་གཏོང་།

     ན་མོ་གུ་ར་ཝེ། རྒྱལ་ཀུན་ཡབ་གཅིག་མཁྱེན་པའི་གཏེར། །ངག་དབང་ལྷ་མོ་དབྱངས་ཅན་མ། །བདག་སྙིང་པདྨའི་དབུས་བཞུགས་ཏེ། །ཐོགས་མེད་སྨྲ་བའི་སྤོབས་པ་སྩོལ། །དབྱངས་ཡིག་ཨི་ཨུ་ཨེ་ཨོ་བཞི། །གསལ་བྱེད་ཀ་སོགས་སུམ་ཅུ་ཡིན། །ཀ་ང་ད་ན་བ་མ་འ། །ར་ལ་ས་རྣམས་རྗེས་འཇུག་བཅུ། །ད་དང་ས་གཉིས་ཡང་འཇུག་གོ །ག་ད་བ་མ་འ་སྔོན་འཇུག །གོ་ངོ་དོ་ནོ་བོ་མོ་འོ། །རོ་ལོ་སོ་རྣམས་རྫོགས་ཚིག་སྟེ། །སླར་སྡུད་ཟླ་སྡུད་ཅེས་ཀྱང་བྱ། །རྗེས་འཇུག་རང་འདྲའི་མཐའ་ལ་སྦྱར། །ན་ར་ལ་གསུམ་རྗེས་སུ་ནི། །ད་དྲག་ཐོབ་ཚེ་ཏོ་ཞེས་སྦྱར། །སུ་རུ་ར་དང་དུ་ཏུ་ན། །ལ་དོན་རྣམ་པ་དྲུག་ཡིན་ཏེ། །རྣམ་དབྱེ་གཉིས་པ་བཞི་པ་དང་། །བདུན་པ་དེ་ཉིད་དུས་ལ་འཇུག ས་སུ་ག་བ་ད་དྲག་ཏུ། །ང་ད་ན་མ་ར་ལ་དུ། །འ་དང་མཐའ་རྟེན་མེད་པའི་མཐར། །རུ་དང་ར་གཉིས་ཅི་རིགས་སྦྱར། །གི་ཀྱི་གྱི་འི་ཡི་ལྔ་བོ། །རྣམ་དབྱེ་དྲུག་པ་འབྲེལ་སྒྲ་སྟེ། །ད་བ་ས་ཀྱི་ག་ང་གི །ན་མ་ར་ལའི་རྗེས་སུ་གྱི། །འ་དང་མཐའ་རྟེན་མེད་མཐར་འི། །རྐང་པ་སྐོང་ཚེ་ཡི་འཐོབ་བོ། །གི་ཀྱི་སོགས་མཐར་ས་སྦྱར་ཚེ། །རྣམ་དབྱེ་གསུམ་པ་བྱེད་པའི་སྒྲའོ། །ཀྱང་ཡང་འང་གསུམ་རྒྱན་སྡུད་དེ། །ག་ད་བ་སའི་རྗེས་སུ་ཀྱང་། །ང་ན་མ་འ་ར་ལ་ཡང་། །མཐའ་རྟེན་མེད་མཐར་འང་དང་ཡང་། །དེ་ཏེ་སྟེ་གསུམ་ལྷག་བཅས་ཏེ། །ད་དེ་ན་ར་ལ་ས་ཏེ། །ག་ང་བ་མ་འ་རྣམས་དང་། །མཐའ་རྟེན་མེད་མཐར་ས་སྟེ་འཐོབ། །གམ་ངམ་དམ་ནམ་བམ་མམ་འམ། །རམ་ལམ་སམ་རྣམས་འབྱེད་སྡུད་སྒྲ །རྗེས་འཇུག་རང་འདྲའི་མཐའ་ལ་སྦྱར། །ད་དྲག་ཅན་མཐར་ཏམ་སྦྱར་རོ། །ནས་དང་ལས་གཉིས་འབྱུང་ཁུངས་དང་། །དགར་དང་སྡུད་པ་ལ་ཡང་འཇུག ཀྱེ་དང་ཀྭ་ཡེ་བོད་སྒྲ་སྟེ། །ཕལ་ཆེར་མིང་གི་ཐོག་མར་སྦྱོར། །ནི་སྒྲ་དགར་དང་བརྣན་པའོ། །གང་སུ་ཅི་ཇི་སྤྱི་སྒྲ་སྟེ། །དཔེ་དང་གཞན་ལ་ཇི་སྦྱོར་ཞིང་། །དོན་ལ་ཅི་དང་གང་ཟག་ལ། །སུ་འཐོབ་གང་ནི་ཀུན་ལ་སྦྱར། །པ་དང་ཅན་ལྡན་བདག་པོའི་སྒྲ། །ག་ད་བ་ས་ན་མ་པ། །ང་འ་ར་ལ་མཐའ་མེད་པ། །བདག་པོའི་སྒྲ་ལ་པ་ཉིད་དོ། །མ་མི་མིན་མེད་དགག་པའི་སྒྲ། །མ་མི་གཉིས་ནི་ཐོག་མ་དང་། །མིན་མེད་གཉིས་པོ་རྗེས་ལ་སྦྱར། །ཚིག་འཕྲད་ཅིང་ལ་སོགས་པ་ནི། །ག་ད་བ་དང་ད་དྲག་མཐར། །ཅིང་ཅེས་ཅེ་འོ་ཅེ་ན་ཅིག ང་ན་མ་འ་ར་ལ་དང་། །རྗེས་འཇུག་མེད་པའི་མིང་མཐའ་རུ། །ཞིང་ཞེས་ཞེ་འོ་ཞེ་ན་ཞིག ས་མཐར་དམིགས་བསལ་ཞེས་མ་གཏོགས། །ཤིང་ཤིག་ཤེ་འོ་ཤེ་ན་འཐོབ(ཤེས་སྦྱར་ན་བློའི་ཤེས་པར་འཁྲུལ་བ་འབྱུང་བས་མི་བྱ་གསུང་།) །ཁ་ཅིག་ལྷན་ཅིག་ཐབས་ཅིག་དང་། །ལན་ཅིག་སོགས་ཀྱི་ཅིག་སྒྲ་དེ། །མིང་གི་ཆ་ཤས་ཡིན་པས་ན། །ཚིག་འཕྲད་གྲངས་སུ་མ་ནོར་གཅེས། །ཚིགས་བཅད་རྐང་བའི་མཐའ་ལ་ནི། །ཉིས་ཤད་ངེས་པར་འཐོབ་པ་ཡིན། །ག་མཐར་ཆིག་ཤད་ང་ཡི་མཐར། །ཤད་ཀྱི་གོང་དུ་ཕྱི་ཚེག་དགོས། །(ང་ཡིག་རྐང་པ་ཤད་དང་མི་འདྲེ་བའི་ཆེད་ཡིན)ཚིགས་ལྷུགས་ལ་ནི་རྫོགས་ཚིག་མཐར། །ཉིས་ཤད་རྣམ་གྲངས་སོ་སོ་དང་། །དོན་ཚན་ཕལ་ཆེར་མཐའ་དང་ནི། །བོད་པའི་སྐབས་ལའང་ཆིག་ཤད་བྱ། །སྡེ་ཚན་ཆེན་མོ་རྫོགས་པ་དང་། །ལེའུའི་མཚམས་སུ་བཞི་ཤད་འཐོབ། །རྐང་པ་སྐོང་དང་མི་སྐོང་ལས། །འོ་འུ་འམ་གྱི་ཚེག་པར་ཡང་། །འཐོབ་ཚུལ་སྐབས་དང་སྦྱར་བར་བྱ། །དེ་ལྟར་རྗེས་འཇུག་དབང་གིས་ནི། །རྣམ་དབྱེ་ཚིག་འཕྲད་མི་འདྲ་བའི། །ཁྱད་པར་ཞིབ་ཏུ་ཤེས་པར་བྱ། །ཚིག་གི་འདབ་མས་མ་བསྒྲིབས་པའི། །གནད་བསྡུས་འབྲས་བུ་གཡུར་ཟ་བ། །བློ་གསལ་དོན་གཉེར་དགའ་སྟོན་དུ། །དབྱངས་ཅན་དགའ་བའི་བློ་གྲོས་སྤེལ།vWeརྗེ་ཙོང་ཁ་པའི་དྲ་བ།

རྩོམ་སྒྲིག་པ།:མཁའ་ཚེ།
བརྒྱུད་འགོད།  
29.1K